Home / Ana səhifə / ”Aclıq aksiyasını dayandırmasanız içəri qoşun yeridəcəyik”

”Aclıq aksiyasını dayandırmasanız içəri qoşun yeridəcəyik”

Aksiya dayandırılmazsa, həbsxanalara qoşun yeridiləcəyi deyilir

Aclıq aksiyası keçirən məhbusları Dövlət Təhlükəsizliyi Xidmətinin (DTX) əməkdaşları hədələyib. Bu barədə beynəlxalq təşkilatların siyasi məhbus kimi tanıdığı Bayram Məmmədovla İlkin Rüstəmzadə ailələrinə məlumat verib. Onlar bildiriblər ki, ciddi cəhdlə aclıq aksiyasını dayandırmaları tələb edilir.

Musavatxəbərə bu barədə siyasi məhbusların ailə üzvləri məlumat veriblər. Bildiriblər ki, onlar aclığı dayandırmayıblar, davam etdirirlər:

“İlkinə deyiblər ki, hamısı sənin işlərindi, sənin başının altından çıxır. Bayramı da hədələyiblər ki, belə davam etsəniz, qoşun yeridəcəyik. Ərizələrini götürüb qeydə almayıblar. Buna görə onların aclıq aksiyasına hər hansı bir tibbi dəstək yoxdur. Əhsən Nuruzadəni də hədələyiblər, ailə üzvlərinə də zəng ediblər. Onlara da deyiblər ki, aclıq aksiyasını dayandırmasalar qoşun yeridəcəklər”.

Hazırda məhbus həyatı yaşayan Mehman Hüseynova qarşı azadlığına iki ay qalmış qarşı yeni cinayət işi açılıb. O, Cinayət Məcəlləsinin 317.2-ci maddəsi (Cəzaçəkmə müəssisəsinin və ya istintaq təcridxanasının əməkdaşına qarşı həyat və sağlamlığı üçün təhlükəli olmayan zor tətbiq etmə) ilə təqsirləndirilir. Bu maddə 5 ildən 7 ilədək azadlıqdan məhrumetmə cəzasını nəzərdə tutur.

Yeni cinayət işinə etiraz əlaməti olaraq Mehman Hüseynov aclıq elan edib. Sonradan bu aksiyaya ictimai fəallar, siyasətçilər və beynəlxalq təşkilatların siyasi məhbus kimi tanıdığı şəxslər də qoşulublar.

Həmçinin oxu

Dollar yenidən BAHALAŞIR? – BU TARİXDƏN etibarən

“Lari büdrədi, manatın taleyi necə olacaq?” MusavatXeber- xəbər verir ki, iqtisadçı ekspert Vüqar Bayramov son günlərin …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir