Home / Gündəm / Milli Şuranın etiraz mitinqi bitib: “referendumun ləğvi” tələb edilib – VİDEO

Milli Şuranın etiraz mitinqi bitib: “referendumun ləğvi” tələb edilib – VİDEO

Bakıda Demokratik Qüvvələrin Milli Şurasının Konstitusiyada dəyişiklikləri nəzərdə tutan 26 sentyabr referendumuna etiraz mitinqi bağlı elan edilib.

Etiraz nümayişinin sonunda oxunan qətnamədə əsasən “26 sentyabr referendumunun ləğv olunması” tələb olunub.

Bundan başqa, qətnaməyə görə siyasi məhbusların qeyri-şərtsiz azad edilməsi, siyasi motivli həbslərə son qoyulması, xarici sərmayenin önünün açılması, həqiqi iş yerlərinin açılması və əhalinin maaşlarının və təqaüdlərinin normal dolanışıq həddinə qədər qaldırılması da tələb olunub.

Mitinqdə AXCP lideri Əli Kərimli, Gültəkin Hacıbəyli, Eldəniz Quliyev, Vidadi Mirkamal, Fuad Əhmədlinin atası çıxış edib, jurnalist Rəvan Seyfulla BBC Azərbaycancaya bildirib.

AXCP lideri bildirib ki, Milli Şuranın növbəti mitinqi 17 sentyabrda keçiriləcək.

+++

Mitinq Bakı vaxtilə saat 5-də başlayıb.

“Mitinq keçirilən ərazidə internet və mobil rabitə problemi var. Bütün telefonlarda rabitə dayanıb”, Azadlıq radiosu rəsmi Facebook səhifəsində paylaşıb.

Sosial şəbəkələrdə yayılmış videolarda mitinqin yüzlərlə iştirakçısının olduğu görünür.

Mitinqdə “Siyasi məhbuslara azadlıq”, “Biz kölə deyilik” kimi sözlər yazılan şüarlar nümayiş etdirilib.

Meydan TV yazır ki, polis mitinqə gətirilən bəzi şüarları -“Çörək baha, ət baha, yemək tapmır xalq daha”, o cümlədən üzərində dindarların şəkilləri olan plakatları meydana aparmağa icazə verməyib.

+++

Təxminən iki saat davam edəcəyi gözlənilən mitinq Bakı şəhər icra hakimiyyəti ilə razılaşdırılıb.

Yasamal rayonu Məhsul stadionunda keçirilən mitinqin əsas şüarı “Monarxiyaya yox, talana son!”-dır.

Turan agentliyi bildirib ki, mitinqdən öncə mitinqinin təşkilatçıları Vahid Məhərrəmli, Eldəniz Quliyev və İbrahim İbrahimli Bakı Şəhər Baş Polis İdarəsinə çağırılıb və onlarla rəis müavini Səhləb Bağırov söhbət edib.

Polis qanunazidd hərəkətlərin yolverilməzliyi barədə təşkilatçılara xəbərdarlıq edib, cənab Quliyev Turan agentliyinə bildirib.

Mitinq təşkilatçıları polisə bildiriblər ki, onlar mitinqin sakit durumda və qanun çərçivəsində keçirilməsində maraqlıdır.

Agentlik həmçinin yazır ki, cənab Bağırov onlardan mitinqin vaxtının “qaranlıq düşənə kimi bitməsi üçün 1-2 saat qabağa çəkilməsini” xahiş edib, cənab İbrahimli isə “qarışıqlıq yaranacağından” ehtiyatlanaraq “artıq gec olduğunu” bildirib.

+++

Mitinqi işıqlandıran jurnalistlərə qarşı da kobudluq edilib. Belə ki, musavatxeber.org-un əməkdaşı Gündüz Nəcəfov polis əməkdaşları tərəfindən fiziki təzyiqə məruz qalıb.

Əməkdaşımızın sözlərinə görə, o, peşə fəaliyyətini yerinə yetirən zaman bədənin müxtəlif nahiyələrindən xəsarət alıb. Evə gətirilən jurnalistin bu gün halı pisləşib.

Jurnalist təcili yardım maşını ilə Sumqayıt Şəhər Mərkəzi Xəstəxanasına çatdırılıb.

Həmçinin oxu

Diplomu rektordan oynayaraq alan məzun DANIŞDI

Bakı Ali Neft Məktəbinin tələbəsi Şaiq Məmişovun “Məzun günü”ndə rektor Elmar Qasımovdan diplomunu qeyri-adi formada …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir